香港新浪網 MySinaBlog
« 上一篇 | 下一篇 »
Dozy.第一桶金 | 27th Oct 2015 | 一般, 財富@投資世界 | (7899 Reads)
讀者來信
Anthony 你好,睇咗你個 Blog 已經有一段時間了,看見你說現在是殺價買樓時機,所以兩個月前在荃灣買了一個上車盤,真的平了很多,同類單位高峰期叫價近 400 萬,個個業主都唔肯減,而家唔同啦,300 中都已經有交易,過幾天收鎖匙了,代理說收鎖匙前兩天要安排一次驗樓,
初初睇呢個單位的時候都唔覺有乜問題,不過驚買咗之後會發現有好多嘢要整,請問有甚麼要注意呢?by Palo

Picture



回覆讀者來信
首先恭喜你買到筍盤,一來一回相差幾十萬,近一年人工了!
關於你提到的問題,收樓前驗樓要注意甚麼?
抱歉,老實告訴你,已經太遲了!

簽訂臨時買賣合約,有一條「現狀交易」條款...
所謂現狀交易,意思就是根據你睇樓時的現況交易。
二手樓不同於新樓,沒有發展商保修,只能根據現況買賣,如果你睇樓時,廁所是漏水的,那麼收樓時廁所也應該是漏水的。相信你簽臨時時應該沒有詳列有甚麼物品,更不會每項細節拍照簽署吧!因此驗收的時候,無論你驗得多仔細,只要業主說一句:「睇樓嗰陣已經係咁架啦,你冇睇清楚架咩?」就已經口同鼻拗,難以追究。

收樓前驗樓,其實意義是看看有沒有嚴重變動...
例如睇樓時有三間房,忽然變了一間房;又例如單位被水浸過,成個地板爛晒等等明顯,買家可以向業主提出,不過仍然未必可以取消交易,因為這些變動並不影響業權,多數只能出在樓價上作出調整,例如扣減五萬作為善後工程等。

所以如果你擔心物業質素,最重要是簽臨約前睇清楚!
現在市況很靜,競爭不會太激烈,看上一個物業後,大可以在簽臨約前多睇一次,把握這次機會睇清楚,部份你認為重要的要拍照,註明在臨約上。例如最常見的有註明 XX 部冷氣,X 部熱水爐、X 部煮食爐等,舉例如果是名牌電器,最好註明型號或拍照簽名確認,否則隨便換一件廉價二手貨給你也難以追究。

甚麼情況下可以取消交易呢?
有點旁門左道,不詳談了,分享一次親身經歷,兩年多前試過買一個單位,單位明明有僭建維修令,簽臨約時業主堅持沒有,後來律師發現並立即 Hold 住交易,告訴筆者僭建不受現狀交易條款規範,可以要求取消交易或扣減樓價,最後筆者要求扣減清拆僭建及修補費用。簽訂臨約時還有很多要注意地方,講座再詳談。

★★★ 1% 地產投資實戰。免費講座!★★★
內容:苦等一年,終於調整,入市機會重臨,仲唔行動?
   僭建、維修、凶宅、銀主盤、租霸...陷阱大揭秘!
   落票試價、新樓經紀回佣金...點保障自己?
講者:法律強人!大行法律部負責人 Jackie Sir
   律師諮詢每個鐘都要幾千,法律強人猛料分享任問!
日期:10 月 30 日(五)7~10pm  
地點:佐敦
留位:65330710-Cola、60980107-Icy(歡迎 Whatsapp)


About ME...
如果啱睇請加入 Facebook 群組「投資兵團」或讚好...
第一桶金專頁:www.facebook.com/anthony.wealth
第一桶金:http://anthony_chung_is.mysinablog.com

NEW!第一桶金信箱
如有關於物業的問題,歡迎到我的 Facebook,PM 給我!
1) 如果我識答,2) 如果不涉及太多課程內容,將盡量回覆。

免責聲明:本文純粹筆者個人意見,沒有促銷物業意圖。本人盡力確保資料正確,但不保證完全無誤,讀者須親身求證,參閱相關資料及售樓說明書,若有任何損失本人概不負責。
留言(1) | 引用(0) | 話題(地產)

[1] 誤購入凶宅同層單位,點算

Anthony, 本人不知道原来與凶宅同層單位樓價會平D, 被地產欺骗签了合约及知道与凶宅同層知情纸,现在大定落咗,知道银行估价严重不足,請問有咩方法解救?

Thanks.


[引用] | 作者 Cherry | 4th Aug 2016 | [舉報垃圾留言]


法例上如果你冇問,代理沒有必要講俾你知有凶宅,因此簽約買樓要先估價,去到呢個階段,唯有搵間多幾間細行,搏佢唔知批俾你。

[引用版主回覆] | 作者 Dozy.第一桶金 | 10th Aug 2016